Onderwys in Suid-Afrika verkeer soos talle ander staatsbeheerde instellings onder geweldige druk. Die staat poog al hoe meer om sy mag by skole te vergroot en om alle besluitneming uit die gemeenskap se hande te neem en aan homself toe te eien.

Die Solidariteit Beweging glo dat daar verreikende gevolge sal wees indien ons die toekoms van ons kinders goedsmoeds aan die staat oorlaat.

Drie instellings van die Solidariteit Beweging is aktief betrokke in die onderwyssfeer om sodoende te verseker dat die omvang van die onderwyskrisis daadwerklik aangepak word.





Deel jou bekommernisse en stories aangaande onderwys met ons:


Onderwys 2020
ONDERWYS IN DIE NUUS
Onderwys: Beweging volg dubbele strategie teen Lesufi se tirannie
Die ambisieuse beroepspolitikus Panyaza Lesufi is besig om onder die vaandel van edel waardes, soos nierassigheid en gelyke geleenthede, kinders van oor die hele Gauteng-provinsie in die steek te laat. Trouens, hy is besig om hul regte, wetend of onwetend, te vertrap. Die ironie van die toedrag van sake wat hom tans in Gautengse onderwys afspeel, is dat hy met sy absolute aanslag op Afrikaanse skole nie net Afrikaanse kinders nie, maar kinders van ander taalgroepe ook benadeel.

Lees meer